Íslandsbanki styrkir Björgunarsveitina Garðar

Elías, Margrét Hólm og Guðbergur með ljósin öflugu

Íslandsbanki á Húsavík afhenti Björgunarsveitinni Garðari styrk til kaupa á öflugum leitarljósum í morgun.

Um er að ræða þrjú öflug leitarljós sem munu nýtast vel. Þau ganga fyrir rafhlöðum og eða 12 volta straum og eru þægileg til tenginga við bæði vélsleða og sexhjól sveitarinnar.

Ljósin eru sett á hjálma ökumanna og lýsa því vel upp akstursleiðina sem og það leitarsvæði sem viðkomandi er að leita á.

Björgunarsveitin Garðar þakkar Íslandsbanka kærlega fyrir styrkinn en á meðfylgjandi mynd eru Elías Frímann og Guðbergur Ægisson björgunarsveitarmenn ásamt Margréti Hólm Valsdóttur útibússtjóra Íslandsbanka á Húsavík.