Hörður leiðir uppbyggingu Norðursiglingar á Hjalteyri

Hörður Sigurbjarnarson.

Hörður Sigurbjarnarson, einn af stofnendum Norðursiglingar hf. og stjórnarmaður fyrirtækisins, mun framvegis sinna ákveðnum verkefnum á vegum fyrirtækisins.

Í frétt á heimasíðu fyrirtækisins segir að Hörður muni taka að sér að leiða uppbyggingu Norðursiglingar hf. á Hjalteyri en fyrirtækið hóf starfsemi þar sumarið 2016.

Knörrinn ÞH, fyrsti bátur í eigu Norðursiglingar hf., mun sigla skipulagðar hvalaskoðunarferðir í vor og fram á haust í það minnsta.

Norðursigling hf. hefur í hyggju að auka starfsemi sína á Hjalteyri á komandi árum og byggja upp umhverfi sem er í anda fyrirtækisins á Húsavík.

Hörður hefur í yfir 20 ár eða frá stofnun Norðursiglingar hf. unnið að uppbyggingu skipulagðrar hvalaskoðunar á Skjálfanda og er því vel til þess fallinn að leiða verkefnið á Hjalteyri. (nordursigling.is)

Knörrinn við bryggu á Hjalteyri. Ljósmynd Norðursigling.