Höfðingleg gjöf Kiwanisklúbssins Herðubreiðar til leikskólans Yls

Ingibjörg Helga tekur við gjafabréfinu.

Leikskólinn Ylur í Mývatnssveit fékk höfðinglega gjöf á dögunum frá Kiwanisklúbbnum Herðubreið þar í sveit.

Um er að ræða gjafabréf að upphæð 100.360 kr. til kaupa á leikföngum fyrir leikskólabörnin.

Leikföngin sem urðu fyrir valinu voru Cuboro kúlubraut, bílahús, matarstell og ungbarnabækur.

Ingibjörg Helga Jónsdóttir leikskólastjóri tók við gjafabréfinu og á heimasíðu Skútustaðahrepps þakkar hún kærlega fyrir þessa rausnarlegu gjöf sem kemur án efa að góðum notum. 

Á myndinni eru Ingibjörg Helga ásamt fulltrúum frá Kiwanisklúbbnum Herðubreið við afhendinguna á gjafabréfinu. 

Ljósmynd skutustadahreppur.is