Hjólar yfir 3200 kílómetra til styrktar Krabbameinsfélaginu

Jón Eggert við upphaf ferðarinnar.

Jón Eggert Guðmundsson lagði af stað í rúmlega 3200 kílómetra hjólaferð klukkan 9 í gær frá Egilshöll. 

Leiðin liggur um alla strandvegi Íslands eða lengstu mögulegu leið hringinn um landið. Jón gekk sömu leið árið 2006 með aðstoð bílstjóra síns Sigfúsar Austfjörð. Sigfús lést árið 2012 og hjólar því Jón Eggert nú í minningu vinar síns og til styrktar Krabbameinsfélaginu Íslands.

Jón Eggert mun hjóla um 170 km á dag í 19 daga samfleytt. Markmið hans er að koma í mark í Reykjavík 19. júlí. 

Svava Dögg Guðmundsdóttir, hjólreiðakona sem meðal annars hefur tekið þátt í WOW Cyclothon mun fylgja Jóni alla leið.  Við hvetjum landsmenn til að taka vel á móti þeim og hvetja til dáða.

Hægt er að fylgjast með ferðinni á https://www.facebook.com/joneggert2/ 

Þeir sem vilja heita á Jón Eggert og styðja Krabbameinsfélagið geta sent SMS-ið KRABB í símanúmerið 1900 og styrkt félagið um 1900 kr.

Í tilkynningu þakkar starfsfólk Krabbameinsfélagsins Jóni Eggerti ómetanlegan stuðning í þágu baráttunnar gegn krabbameinum.

Ferðaáætlun Jóns en tímasetningar eru til viðmiðunar; hægt er að fylgjast með ferð Jóns á Strava https://www.strava.com/athletes/473448) 

1. júlí       Borgarnes

2. júlí       Hellnar

3. júlí       Stykkishólmur

4. júlí       Djúpidalur

5. júlí       Bíldudalur

6. júlí       Ísafjörður

7. júlí       Hólmavík

8. júlí       Hofsós

9. júlí       Siglufjörður

10. júlí     Akureyri

11. júlí     Raufarhöfn

12. júlí     Vopnafjörður

13. júlí     Fáskrúðsfjörður

14. júlí     Höfn

15. júlí     Höfn

16. júlí     Höfn

17. júlí     Selfoss

18. júlí     Grindavík

19. júlí     Reykjavík