Harma vinnubrögð við úthlutun sértæks byggðarkvóta til Raufarhafnar

Frá íbúafundinum á Raufarhöfn. Lj. nordurthing.is

Boðað var til íbúafundar á Raufarhöfn 9.mars sl. til að ræða ákvörðun Byggðastofnunar um aukaúthlutun sértæks byggðakvóta til staðarins.

Þau 100 tonn sem voru í boði renna öll til GPG Seafood ehf. en í frétt á heimasíðu Norðurþings segir að íbúum finnist réttara í stöðunni að þessum 100 tonnum verðu skipt á milli GPG og Hólmesteins Helgasonar ehf. í ljósi mikils samfélagslega framlags fyrirtækisins í gegnum atvinnusköpun, fjárfestingar og almennt mikillar þátttöku í samfélaginu.

Mikil óánægja ríkir meðal íbúa hvað snertir þessa ákvörðun og íbúum er misboðið. Fundurinn var gríðalega vel sóttur en rúmlega sextíu manns mættu og þar á meðal voru meðlimir sveitastjórnar Óli Halldórsson, Olga Gísladóttir og Soffía Helgadóttir. Nokkrir aðilar tóku til máls þar á meðal Óli fyrir hönd sveitasjórnar en þessi ákvörðun er ekki í höndurm sveitafélagsins.

Ákvörðum sem þessi hefur ekki bara áhrif á starfsmenn fiskvinnslunnar heldur einnig þjónustufyrirtæki á staðnum og íbúa í heild sinni. Komust íbúar Raufarhafnar að þeirri niðurstöðu að senda frá sér ályktun sem mótmælir þessari ákvörðun harðlega og munu undirskriftarlistar liggja frammi fljótlega og sendir á Byggðastofnun og sveitarfélagið um miðja næstu viku vonandi

Íbúafundurinn samþykkti eftirfarandi ályktun:

"Íbúar Raufarhafnar harma þau vinnubrögð sem hafa verið viðhöfð í úthlutun sérstæks byggðakvóta til Raufarhafnar. Horft er framhjá þeim samfélagslegu góðu áhrifum sem fylgja því að styrkja tvær vinnslur á staðnum. Íbúum finnst framhjá þeim gengið og þeirra skoðanir hafðar að vettugi í því góða samstarfi sem hefur verið við verkefnið Brothættar byggðir á staðnum." 

Hér má lesa áskorun íbúa Raufarhafnar til Byggðastofnunar