Hafþór Mar skoðar sín mál í rólegheitunum-KA og Þór áhugasöm

Hafþór Mar í leik með Völsungi.

Á vefsíðunni nordursport.net kemur fram í dag að einn af efnilegri knattspyrnumönnum landsins, Völsungurinn Hafþór Mar Aðalgeirsson, leikmaður Völsungs gæti verið á leiðinni í Þór eða KA.

Þar segist Hafþór Mar vera skoða sín mál í rólegheitum og hann hafi rætt við félög í 1.deild og í Pepsí-deildinni. Þar á meðal eru Þór og KA.

Hafþór Mar er fæddur árið 1994 og hefur þrátt fyrir ungan aldur spilað í meistaraflokki Völsungs frá árinu 2010. Hann þykir afar mikið efni og skoraði til að mynda sjö af 15 mörkum Völsunga á nýliðnu tímabili, þrátt fyrir að leika einungis 15 leiki sjálfur.

Samningur hans við Völsung er nú útrunnin og er nokkuð ljóst að bitist er um þennan unga dreng sem ólíklegt þykir að spili áfram með Völsungi eftir að liðið féll í 2. deild nú í haust eftir árs dvöl í 1.deild.

Hann á að baki átta leiki fyrir U17 ára landsliðið og fjóra leiki með U19 ára landsliðinu en ljóst er að leikjum með þessum landsliðum fjölgar ekki þar sem hann er ekki löggengur í þau lengur. (nordursport.net)