Gott Þorrablót í höllinni

Það styttist í Þorrann og að venju þjófstörtuðu kvenfélagskonur á Húsavík honum með heljarinnar Þorrablóti í Íþróttahöllinni í gærkveldi. Það voru tæplega

Gott Þorrablót í höllinni
Almennt - - Lestrar 5309

Haffi í Grafarbakka.
Haffi í Grafarbakka.

Það styttist í Þorrann og að venju þjófstörtuðu kvenfélagskonur á Húsavík honum með heljarinnar Þorrablóti í Íþróttahöllinni í gærkveldi. Það voru tæplega sex hundruð manns sem tóku forskot á Þorrann  og nutu þar þjóðlegs matar og góðrar skemmtunar.

 

Bjarni Hafþór Helgason úr Grafarbakka sá um veislustjórn og fór á kostum sem von var. Skemmtiatriði voru heimanfengin og m.a. steig hljómsveitin Hárbandið á svið of flutti nokkur lög auk þess að flytja minni karla og kvenna. Hárbandið skipa þeir frændur úr Reykjadal Sigurður Illugason frá Hamraborg og Hörður Benónýsson á Hömrum.

 

Þegar þorramatnum hafði verið gerð góð skil og dagskráin tæmd lék hljómsveitin Von fyrir dansi langt fram eftir nóttu og henni til fulltingis var Aðalsteinn Ísfjörð á nikkunni.

Hér að neðan birtast nokkrar myndir frá blótinu sem ljósmyndari 640.is tók.

Helga Kristinsdóttir fór fyrir Þorrablótsnefndinni.

Örvar, Hlöðver á Björgum og Jón Guðlaugs taka undir í söngnum.

 Ína og Hoffa kátar á blóti.

Hárbandið sló í gegn enda vanir menn þarna á ferðinni.

Fleiri myndir frá Þorrablótinu má skoða hér

 


  • Herna

640.is | Ábyrgðarmaður Hafþór Hreiðarsson | vefstjori@640.is | Sími: 895-6744