Góð þátttaka í Ísmóti Grana

25. feb

Góð þátttaka í Ísmóti Grana
Íþróttir - - Lestrar 478

Árlega Ísmót Grana var haldið á Kaldbakstjörn sl. laugardag og var þátttaka góð þrátt fyrir slæma veðruspá. Og ísinn góður.

Keppandinn sem kom lengst að var Halldór S. Olgeirsson á Bjarnastöðum sem tók þátt í 100m skeiðkeppninni.

Í dvergaflokknum voru yngstu þáttakendurnir úr reiðskóla Grana og hlutu allir viðurkenningu. Sigrún Högna Tómasdóttir var eini keppandinn í Barnaflokknum og hlaut aðaleinkunn 8.20. Systir hennar, hún Thelma Dögg Tómasdóttir var sigursæl á Takti sínum, vann Unglingaflokkinn og lenti í 2.sæti í B-flokknum.

Iðunn Bjarnadóttir og Dagný Anna Ragnarsdóttir voru í 2. og 3.sæti í Unglingaflokknum.

Alls voru 13 keppendur í B-flokknum og komust þau Vignir Sigurólason á Sigursteini, Björn Guðjónsson á Frosta, Bjarni Páll Vilhjálmsson á Bassa, Thelma Dögg Tómasdóttir á Takti, Jóhannes Jónsson á Mána og Jósafat Jónsson á Takti í úrslit. Vigni og Sigursteini tókst að merja sigur.

Sex knapar tóku þátt í A-flokknum og vann Vignir á Dáta sínum eftir harða baráttu.

Síðast en ekki síst voru 100 m. skeiðkappreiðar. Þrír knapar skráðir til leiks og þeirra á meðal sá keppandi sem kom lengst að, Halldór S. Olgeirsson á Bjarnastöðum. Veðrið versnaði með hverri mínutu en alvöru hestamenn láta ekki stoppa sig. Bjarni Páll og Funi sigruðu á 9,30 sek.

Æskulýðsnefnd Grana sá um kaffisölu meðan á móti stóð og fékk fólk þar kaffi, kakó og með því við vægu gjaldi.

Á heimasíðu Grana er Einari Erni Grant þakkað fyrir velunnin dómarastörf sem og Gísla Haraldssyni fyrir dómara- og þularstörf og Einari Gíslasyni fyrir rítarastörf.

Hér má sjá öll úrslit:

Dvergaflokkur (ekki var raðað í sæti):

Elín Pálsdóttir & Mjallhvít

Sara Kristín Smáradóttir & Góa

Sigrún Anna Bjarnadóttir & Salomon

Sigrún Marta Jónsdóttir & Elding

Barnaflokkur:

1. Sigrún Högna Tómasdóttir & Greifi frá Hóli 8.20

Unglingaflokkur:

1. Thelma Dögg Tómasdóttir & Taktur frá Torfunesi 8,20

2. Iðunn Bjarnadóttir & Jónatan frá Syðstu-Grund 8.03

3. Dagný Anna Ragnarsdóttir & Gyllingur frá Torfunesi 7.80