Glæsileg hátíð í höllinni þann 1. maí

Steini Hall startar hátíðinni að venju.

Það verður mikið fjör í Íþróttahöllinni á Húsavík þann1. maí en að venju bjóða stéttarfélögin upp á veglega dagskrá á hátíðar- og baráttudegi verkafólks.

Steini Hall mun starta hátíðinni að venju með lúðrablæstri og ræður dagsins verða á vegum heimamanna.

Þá verður Söngfélagið Sálubót á svæðinu enda úr héraðinu. Lára Sóley og Hjalti koma brunandi frá Akureyri á heimaslóðir og taka lagið eins og enginn sé morgundagurinn.

Þrír frábærir listamenn koma síðan fljúgandi úr Reykjavík til að skemmta gestum á Húsavík. Þetta eru þau Ari Eldjárn, einn okkar fremsti skemmtikraftur sem mun fara með gamanmál og söngdýfurnar Sigríður Beinteinsdóttir og Guðrún Gunnarsdóttir sem munu flytja atriði úr sýningunni um Ellý Vilhjálms sem notið hefur mikilla vinsælda.

Að sjálfsögðu mun Steini Hall starta hátíðinni með lúðrablæstri.

Hér má sjá dagskrána