Fyrsti Húsvíkingurinn til að sigra í skíðagöngu á Andrésarleikunum

Fannar Ingi Sigmarsson.

Fannar Ingi Sigmarsson varð um helgina fyrsti Húsvíkingurinn til að sigra í skíðagöngu á Andrésar Andarleikunum.

Fannar Ingi keppti í tveim greinum í aldursfloknu 7 ára og yngri, þ.e.a.s í hefðbundinni skíðagöngu sem og frjálsri skíðagöngu. Og hann gerði sér lítið fyrir og kom fyrstur í mark í báðum greinunum en keppendur voru tólf talsins.

Þá tók Fannar Ingi, sem er sonur Sigmars Ingólfsonar og Kiddýjar H. Ásgeirsdóttur, þátt í þrautabraut þar sem allir þátttakendur fengu viðurkenningu.

Alls tóku fimm þátttakendur frá Völsungi þátt í Andrésar Andarleikunum í Hlíðarfjalli. Hilmir Sær Heimisson, Hörður Mar Jónsson og systkinin Karen Vala og Guðjón Dagur Daníelsbörn á svigskíðum og Fannar Ingi á gönguskíðum.

Fannar Ingi á verðlaunapalli á Andrésarleikunum.