Fyrsta skóflustungan að nýju parhúsi á Kópaskeri – laugardag kl. 13:00.

Frá Kópaskeri.

Laugardaginn 24. júní kl. 13:00 verður tekin fyrsta skóflustungan að byggingu parhúss, leiguíbúða, við Drafnargötu 4 á Kópaskeri.

Um er að ræða sögulegan viðburð þar sem ekki hefur verið byggt íbúðarhúsnæði í áratugi á Kópaskeri.

Í fréttatilkynningu frá Norður-þingi eru íbúar sveitarfélagsins og landsmenn allir hvattir til að fjölmenna á þennan viðburð sem er haldinn í tengslum við Sólstöðuhátíð á Kópaskeri.

Dagskrá Sólstöðuhátíðarinnar má sjá hér: 

https://www.facebook.com/solstoduhatid2015

Spáð er bongóblíðu á svæðinu, hlökkum til að sjá sem flesta.

Handhafi byggingarleyfis er EMAR byggingarvörur en húsið er byggt fyrir Leigufélagið Bríet sem er óhagnaðardrifið leigufélag.

Markmið Bríetar að vera hluti af uppbyggingu og styrkingu leigumarkaðar sem stuðlar að öryggi á langtímaleigumarkaði með sérstaka áherslu á landsbyggðina og í samstarfi við sveitarfélögin í landinu.

Langtímamarkmið Bríetar er að stuðla að nýsköpun og uppbyggingu þar sem þörf er á því á landsbyggðinni.