Fyrsta skóflustunga tekin að nýju hjúkrunarheimili á Húsavík

Eftir hádegi í dag var tekin fyrsta skóflustunga að nýju og glæsilegu hjúkrunarheimili á Húsavík.

Aldey tók fyrstu skóflustunguna.
Aldey tók fyrstu skóflustunguna.

Eftir hádegi í dag var tekin fyrsta skóflustunga að nýju og glæsilegu hjúkrunarheimili á Húsavík. 

Það gerði Aldey Unnar Traustadóttir forseti sveitarstjórnar Norðurþings og notaði hún til verksins stóreflis beltagröfu.

Hún naut aðstoðar starfsmanns Húsheildar ehf. við verkið en fyrirtækið sér um jarðvegsframkvæmdirnar.

Ljósmynd Hafþór - 640.is

Ljósmynd Hafþór - 640.is

Í fyrra var haldin hönnunarsamkeppni um hönnun hjúkrunarheimilsins og var það Arkís, í samstarfi við Mannvit, sem hlaut fyrstu verðlaun.

Ljósmynd - Aðsend

Á vef Framkvæmdasýslu Ríkisins má finna brot af umsögn dómnefndar:

„Skipulag sambýliseininga styður við heimilisbrag með vistlegum einkarýmum fyrir hvern íbúa sem snúa flest að bænum og frábæru útsýni yfir Skjálfanda og Kinnarfjöll.

Starfsaðstaða er mjög góð þar sem þjónusturými eru miðlæg og vegalengdir stuttar innan hverrar deildar. Heimiliseiningar eru allar jafnstórar og hönnun þeirra auðveldar mönnun og flæði milli þeirra, þ.m.t. yfirsýn yfir heimilið í heild og starfsfólk nýtist m.a. betur á nóttunni.

Heimilið er bjart, auðvelt aðgengi er út undir bert loft frá setustofum til að njóta útsýnis og veðurs og tilhögun einkarýma gerir auðvelt fyrir íbúa að rata í herbergi sín.“

Frekar upplýsingar má finna á vef fsr.is

Fram kemur vef Norðurþings að hjúkrunarheimilið verði 60 eininga og 4100 fermetrar að stærð. Fyrirhuguð verklok er árið 2024.

Ljósmynd Hafþór - 640.is

Með því að smella á myndirnar er hægt að fletta þeim og skoða í hærri upplausn.


  • Steinsteypir

640.is | Ábyrgðarmaður Hafþór Hreiðarsson | vefstjori@640.is | Sími: 895-6744