Flutninga- og skemmtiferðaskipum fjölgar

Skipakomum fjölgar til Húsavíkur.

Nú í ársbyrjun hafa þegar verið boðaðar 29 komur skemmtiferða-skipa til Húsavíkur á árinu 2017.

Að sögn Þóris Arnar Gunnarssonar rekstrarstjóra hafna í Norðurþingi komu í fyrra 58 skip önnur en fiskiskip til hafnar á Húsavík.

Þar af voru komur skemmtiferðaskipa 21 sem er talsverð aukning frá árinu 2015 en þá voru þær 13.

“Það er því ljóst að töluvverð aukning er á komum bæði flutninga- og skemmtiferðaskipa til Húsavíkurhafnar og er það gríðarlega jákvætt fyrir höfnina”. Segir Þórir Örn en með skemmtiferðaskipunum á árinu 2016 komu 2,754 farþegar.