Fjórir leikmenn Völsungs heiðraðir fyrir leikjafjölda

Höskuldur Skúli og Gunnar Sigurður.

Á árinu sem er að líða náðu þrír leikmenn meistaraflokka Völsungs í knattspyrnu þeim árangri að leika yfir 100 leiki í deild og bikar fyrir félagið.

Þá náði Gunnar Sigurður Jósteinsson þeim merka áfanga að komast yfir 200 leikja múrinn en þessir leikmenn voru heiðraðir á dögunum.

Aðalsteinn Jóhann Friðriksson hefur leikið 135 leiki í deild og bikar fyrir Völsung og skorað í þeim 25 mörk. Hann fékk viðurkenningu fyrir að ná 100 leikjum fyrir félagið í deild og bikar.

Bjarki Baldvinsson hefur leikið 137 leiki í deild og bikar fyrir Völsung og skorað í þeim 27 mörk. Hann fékk viðurkenningu fyrir að ná 100 leikjum fyirir félagið í deild og bikar.

Harpa Ásgeirsdóttir hefur leikið 116 leiki í deild og bikar fyrir Völsung og skorað í þeim 40 mörk. Hún fékk viðurkenningu fyrir að ná 100 leikjum fyrir félagið í deild og bikar.

Gunnar Sigurður Jósteinsson hefur leikið 203 leiki í deild og bikar fyrir Völsung og skorað í þeim 22 mörk. Hann fékk viðurkenningu fyrir að ná 200 leikjum fyrir félagið í deild og bikar. (volsungur.is)