Fjölmenntu og kvöddu jólin

Álfakóngur og drottning hans.

Húsvíkingar fjölmenntu og kvöddu jólin með brennu og flugelda-sýningu undir kvöld á Þrettándanum.

Veður var hið besta, hægur vindur og snjór yfir öllu. 

Þrettándagleðin fór fram á landfyllingu suðurhafnar líkt og undanfarin ár.

Álafakóngur og drottning hans fóru fyrir blysför þangað niður eftir úr Íþróttahöllinni. Þau fóru gilið og í göngunni mátti sjá hinum ýmsu furðurverum bregða fyrir.

Þegar komið var að brennustæðinu var kveikt í brenn­unni, sungið og jól­in kvödd. Að venju lauk þrett­ándagleðinni, sem var í umsjá 5. flokks Völsungskvenna í knattspyrnu, með flug­elda­sýn­ingu Kiwanismanna.

Hér koma nokkrar myndir frá því í gær en með því að smella á þær er hægt að fletta þeim og skoða í stærri upplausn.

Álfakóngur og álfadrottning leiddu blysförina.

Þau fóru gilið sem var flughált.

Brennustæðið var á landfyllingu suðurhafnar.

Ásta Magnúsdóttir og Daníel Borgþórsson sáu um sönginn.

Flugeldasýning Kiwansimanna var glæsileg.

Gaukur Hjartason tók þessa mynd af flugeldasýningunni.