Fjölmargir skoðuðu göngin í dag

Haukur Jónsson og Kristján Þór klipptu á borðann.

Húsa­vík­ur­höfðagöng voru opnuð form­lega í morg­un þegar al­menn­ingi bauðst að skoða göng­in.

Þau eru 990 metra löng með veg­skál­um beggja vegna og verða tek­in í notk­un eft­ir helgi eins og áður hefur komið fram á 640.is

Fjölmenni var saman komin í syðri enda ganganna og eftir að Hauk­ur Jóns­son deild­ar­stjóri hjá Vega­gerðinni á Ak­ur­eyri og Kristján Þór Magnús­son, sveit­ar­stjóri Norðurþings höfðu mælt nokk­ur orð um fram­kvæmd­ina og klippt á borða fóru heima­menn gang­andi, hlaup­andi og hjólandi í gegn­um göng­in.

Eftir hádegi nýttu margir sé boð um að aka í gegn­um þau en göng­in eru ekki hluti af þjóðvega­kerf­inu og því var þetta eina tæki­færi al­menn­ings til að skoða þau.

Göng­in verða hluti vinnusvæðis og tengja sam­an iðnaðarsvæðið á Bakka við Húsa­vík­ur­höfn.

Hauk­ur Jóns­son og Kristján Þór Magnús­son klippa á borðann.

Fé­lag­ar í hlaupa­hópn­um Skokka nýttu tæki­færið og hlupu í gegn­um göng­in.

Gengið í gegnum göngin.