Félagarnir Olli og Diddi Húsavíkurmeistarar í Boccia

17. feb

Félagarnir Olli og Diddi Húsavíkurmeistarar í Boccia
Íþróttir - - Lestrar 472

Diddi og Olli með bikarinn eftirsótta.

Opna Húsavíkurmótið í Boccia sem orðinn er fastur liður í starfi Boccideildar Völsungs með góðum stuðningi Kiwanisklúbbsins Skjálfanda var haldið í Íþróttahöllinni s.l. sunnudag.

Kiwanismenn annast alla dómgæslu, merkingu valla, og koma að öllum undirbúningi mótsins. Mótinu stýrðu Bragi Sigurðsson, form. Bocciadeildar Völsungs ásamt Agli Olgeirssyni og Kristínu Magnúsdóttir úr stjórn Bocciadeildarinnar.

Mótið tókst í alla staði vel, góð þátttaka að venju þó hún væri aðeins minni en á síðasta ári. Engu að síður sýnir það enn einu sinni að bæjarbúar og fyrirtæki eru tilbúin að styðja við bakið á Bocciadeildinni með þátttöku, en þetta er fjáröflun fyrir deildina í formi firmakeppni. Þá er þetta í þriðja sinn sem einnig er keppt í krakkaflokki fatlaðra, en krakka-boccia hófst hjá deildinni í upphsafi árs 2014.

Fengu þau öll viðurkenningarskjöl og myndarleg verðlaun frá Íslandsbanka í lok keppni.

Úrslit Opna Húsavíkurmótsins í boccia 2016:

1. sæti, „ Félagarnir“, Olgeir Heiðar og Sigurður Dagbjartsson.

Verðlaun, flugfar fyrir tvo Hvík-Rvík-Hvík frá Flugfélaginu Ernir.

2. sæti, „ Öræfabræður“, Ásgrímur Sigurðsson og Kristján Valur Gunnarsson

Verðlaun, gjafakort frá Skóbúð Húsavíkur og konfekt frá Innex.

3. sæti, „Heiðursmenn“, Kristbjörn Óskarsson og Gunnlaugur Aðalbjörnsson

Verðlaun, heyrnartól frá Bókaverslun Þórarins Stefánssonar.

Einnig var spiluð eins og á flestum stórmótum úrslit um 4-8 sætið:

4. sæti, „Lönguvitleysingarnir“, Ína Rúna og Lilja Skarphéðinsdætur.

Verðlaun, gjafabréf frá versluninni Töff-föt.

5. sæti, „Grænógellurnar, Anna María Bjarnadóttir og Sigríður Valdís Sæbjörnsd.

Verðlaun, snyrtivörur frá Lyfju.

6. sæti, „Melrakkarnir“, Sigríður Valdimarsdóttir og Jóhann Þórarinsson.

Verðlaun, snyrtivörur frá Háriðjunni.

7. sæti, „Lögreglan“, Hreiðar Hreiðarsson og Ingvar Dagbjartsson.

Verðlaun, Hátalarar frá Víkurraf.

8. sæti, „Vilborg ÞH 11“, Vilberg Lindi Sigmundsson og Snorri Phillips.

Verðlaun, Pizzur frá Sölku-veitingum.

Húsavíkurmeistararnir í Boccia 2016, Félagarnir, Olgeir Heiðar og Sigurður Dagbjartsson hlutu að launum glæsilegan farandbikar sem gefin var af Norðlenska ehf og var nú keppt um í fimmta sinn.

Einnig var afhentur “Hvatningabikar ÍF” sem hinn öfluga bocciamaður Ásgrímur Sigurðsson frá Lækjarvöllum í Bárðardal hlaut að þessu sinni. Bikarinn er er farandbikar gefinn af Íþróttasambandi Fatlaðra og veittur árlega þeim einstaklingi sem að mati stjórnar Bocciadeildar og þjálfara sýnir bestu ástundun og mestu framfarir.

Á mótinu var Húsvíkingurinn Anna Karólína Vilhjálmsdóttir, framkvæmdastjóri fræðslu- og útbreiðslusviðs og Special Olympics á Íslandi hjá Íþróttasambandi fatlaðra, og afhenti hún Ásgrími nýjan bikar frá ÍF, en sá gamli var orðinn þéttskrifaður með nöfnum fyrri handhafa.

Ásgrímur Sigurðsson, Lækjavöllum, handhafi Hvatningabikars ÍF 2016 og Anna Karólína Vilhjálmsdóttir framkv.stj. útbreiðslusviðs hjá Íþróttasambandi Fatlaðra.

Verðlaun öll voru glæsileg, og sýnir hug fyrirtækja til Bocciadeildarinnar og Kiwanis, og er þeim þakkað fyrir frábæran stuðning.

Mótið var afar skemmtilegt og tókst í alla staði mjög vel, góð skemmtun, mikil stemming, og spenna. Glæsilegt mót með yfir 60 keppendur og mikill fjöldi gesta var í iþróttahöllinni þegar mest var. Takk fyrir húsvíkingar og aðrir gestir, sjáumst hress að ári á næsta „Opna Húsavíkurmóti í Bocci.

Að neðan má sjá myndir frá mótinu en með því að smella á þær má fletta þeim og skoða í stærri upplausn.