Elfar Árni í KA

Elfar Árni í leik með Breiðablik gegn Völsungi.

Elfar Árni Aðalsteinsson sem leikið hefur með Breiðablik undanfarin ár skrifaði í dag undir þriggja ára samning við KA.

Á heimasíðu KA segir að Elfar, sem er uppalinn Völsungur, sé gríðarlega mikill styrkur fyrir KA í komandi átökum í 1. deildinni.

Elfar, sem leikur stöðu framherja, spilaði 104 leiki með Breiðablik og skoraði í þeim 27 mörk. 

Hann gerir þriggja ára samning við KA og mun flytjast búferlum norður til Akureyrar í apríl.