Einar Karl og Brynja taka við Fosshótel Húsavík

Jóna Árný, Brynja, Einar Karl, Aðalsteinn og Huld.

Þann 1. febrúar næstkomandi verða hótelstjóraskipti hjá Fosshótel Húsavík en Jóna Árný Sigurðardóttir sem verið hefur hótelstjóri hefur ákveðið að fara í nám eftir farsæl störf fyrir hótelið.

Í hennar stað hefur Einar Karl Guðmundsson verið ráðinn sem hótelstjóri og Brynja Jóhannesdóttir sem aðstoðarhótelstjóri. Einar Karl og Brynja sem eru hjón hafa lengi starfað í ferðaþjónustu.

Þetta kom fram á vef Framsýnar en þau hjón litu við á Skrifstofu stéttarfélaganna í gær til að kynna sig og fara yfir þau áform sem þau hafa varðandi eflingu á starfsemi hótelsins á svæðinu.