Birna Davíðsdóttir nýr skólastjóri Stórutjarnarskóla

Dagbjört Jónsdóttir og Birna Davíðsdóttir.

Birna Davíðsdóttir hefur verið ráðin í stöðu skólastjóra við Stórutjarnarskóla í Þingeyjar-sveit.

Birna er með B-Ed próf í leikskólakennarafræði og með grunnskólakennara-réttindi ásamt MA í Menntavísindum á svið stjórnunar og forystu frá Háskólanum á Akureyri.

Jafnframt hefur Birna lagt stund á nám í rekstri fyrirtækja, Máttur kvenna, við Háskólann á Bifröst.

Frá haustinu 2009 hefur Birna starfað sem leik- og grunnskólakennari við Stórutjarnaskóla og þekkir því vel til skólans.

"Við væntum mikils af starfi Birnu sem hefur góða þekkingu á skólastarfi og skýra framtíðarsýn um að leiða skapandi skólastarf og virkja þátttöku skólans í samstarfi við aðra skóla í sveitarfélaginu og nærliggjandi sveitarfélögum". Segir á vef Þingeyjarsveitar þar sem greint er frá ráðningunni.

Á meðfylgjandi mynd eru Dagbjört Jónsdóttir sveitarstjóri Þingeyjarsveitar og Birna nýráðin skólastjóri við Stórutjarnarskóla.