Bergur, Bjarki og Jóhann skrifa undir samninga

Ánægjuleg tíðindi úr herbúðum Völsungs.

Þrír leikmenn Völsungs í meistaraflokki karla í knattspyrnu hafa framlengt samninga sína við félagið og munu því leika með liðinu í 2. deildinni næsta sumar.

Um er að ræða þá Bjarka Baldvinsson, Berg Jónmundsson og Jóhann Þórhallsson en þeir léku stórt hlutverk í liði Völsungs sem endaði í 2. sæti 3. deildar karla síðasta sumar og tryggði sér þátttökurétt í 2. deilda að ári.

Bjarki og Bergur eru uppaldir Völsungar og skrifuðu undir tveggja ára samning við félagið. Báðir eru þeir fæddir árið 1990 og voru lykilmenn á miðju Völsungsliðsins síðasta sumar.

Jóhann Þórhallsson skrifaði undir eins árs samning en hann kom frá Þór fyrir síðasta tímabil. Hann var drjúgur í markaskorun og stóð uppi sem markahæsti maður deildarinnar með 18 mörk í 17 leikjum.Á

Á heimasíðu Völsungs kemur fram að þetta séu mikil gleðitíðindi og ánægjulegt að þeir hyggist taka slaginn með liðinu næsta sumar.

 Fv. Bergur Jónmundsson, Bjarki Baldvinsson og Jóhann Þórhallsson. Að baki þeirra standa Júlíus Bessason og Páll V. Gíslason þjálfari Völsungs.