Arnþór Hermannsson í Völsung

Arnþór í leik með Völsungi.

Arnþór Hermannsson er genginn í raðir Völsungs á nýjan leik og mun leika með liðinu út tímabilið.

Arnþór er Húsavíkingum vel kunnugur en hann er uppalinn Völsungur og hefur leikið 56 leiki fyrir félagið í mótum á vegum KSÍ og skorað í þeim 8 mörk. 

Eftir síðasta tímabil söðlaði Arnþór um og gekk í raðir úrvalsdeildarliðs Þórs þar sem hann hefur komið við sögu í einum leik í sumar. Arnþór kemur til Völsungs á lánsamningi út tímabilið og mun hjálpa liðinu í baráttunni sem er í vændum á seinni hluta tímabilsins. 

Arnþór hefur fengið leikheimild með Völsungi og getur því tekið þátt í mikilvægum leik liðsins gegn Reyni Sandgerði á laugardaginn kemur. (volsungur.is)