29. mar
Nýr bátur til KópaskersAlmennt - - Lestrar 729
Nýr bátur kom til hafnar á Kópaskeri í gærkveldi þegar Jón Tryggvi Árnason útgerðarmaður kom siglandi frá Hafnarfirði við annan mann á Þorbjörgu RE.
Tók rúman sólahring að sigla bátnum norður en með Jóni Tryggva í för var Einar Ólason og ferðin gekk vel.
Nýi báturinn ber eins og áður segir nafnið Þorbjörg RE 6 og er af Sómagerð.
Vel var tekið á móti þeim við komuna og hér má sjá nokkrar myndir sem Gunna Magga tók og birtust á fréttasíðu Kópaskers og nágrennis
Þetta er annar báturinn sem keyptur er til Kópaskers í vetur því Garðar Birgisson keypti stærri bát í stað Fróða ÞH og fékk hann sama nafn.