Meistaraflokkarnir komnir í úrslit lengjubikarsinsÍþróttir - - Lestrar 304
Meistaraflokkar Völsungs í knattspyrnu unnu leiki sína um helgina og tryggðu sig um leið inn í undanúrslit lengjubikarsins.
Meistaraflokkur karla lék á móti Dalvík/Reyni á laugardaginn var og vann sannfærandi 4-0 sigur.
Rafnar Smárason(2), Bjarki Baldvinsson(1) og Sæþór Olgeirsson(1) sáu um markaskorun Völsungs í leiknum.
Með sigrinum tryggði liðið sér sigur í sínum riðli og þar með farseðilinn í undanúrslit lengubikarsins.
Búið er að draga í undanúrslitin og mun Völsungur mæta liði Sindra og verður leikið í Fjarðarbyggðarhöllinni á Reyðarfirði á fimmtudaginn kemur klukkan 14:00.
Meistaraflokkur kvenna fór inná Akureyri á föstudaginn var þar sem liðið sótti Hamrana heim.
Stelpurnar unnu sannfærandi 4-0 sigur og hafa því unnið alla sína leiki í riðlinum, samtals þrjá.
Mörk Völsungs í leiknum skoruðu Harpa Ásgeirsdóttir(2), Berglind Kristjánsdóttir(1) og Hafrún Olgeirsdóttir(1).
Liðið á eftir einn leik í riðlinum og er hann gegn Fjarðabyggð á Húsavík um næstkomandi helgi.
Þrátt fyrir að eiga einn leik eftir í riðlinum að þá hefur liðið nú þegar tryggt sig áfram í undanúrslit lengjubikarsins.
Undanúrslit Lengjubikarsins verða leikin 1. maí en ekki er komið á hreint hver mótherjinn verður.
Völsungsliðin hafa verið að leika feikilega vel í lengjubikarnum og úrslitin verið eftir því. Strákarnir hafa unnið fjóra leiki og gert eitt jafntefli á meðan stelpurnar hafa unnið alla sína leiki, þrjá talsins.
Það er óhætt að segja að bæði úrslit og spilamennska lofi góðu fyrir komandi sumri á knattspyrnuvellinum á Húsavík. (volsungur.is)