Völsungur sigraði Dalvík/Reyni

Gunni Siggi skoraði eitt af mörkum Völsungs.

Völsungur mætti Dalvík/Reyni í Kjarnafæðismótinu í gær. 

Völsungar mættu mun ákveðnari til leiks og strax á 5 mínútu skoraði Elvar fyrsta markið og kom þeim í forystu.

Á 27 mínútu fær Bergur knöttinn við vítateigslínu og snýr sér að marki og setur knöttinn í stöngina og inn, laglegt mark og Völsungar komnir í kjörstöðu.

Eftir þetta vöknuðu D/R til lífsins og áttu nokkrar ágætis sóknir til þess að minnka muninn og eftir eina slíka þá berst boltinn til Péturs sem stingur honum inn á teiginn þar sem Alexander er mættur og hann klárar færið vel og minnkar muninn í 1-2 og þannig stóðu leikar í hálfleik.

Í seinni hálfleik tóku Völsungar öll völd á vellinum og virtust geta labbað í gegn um vörn D/R þegar þeir vildu. Gunnar skoraði glæsilegt mark strax á fyrstu mínútu seinni hálfleiks og kom þeim í 1-3. Völsungar bættu svo við þremur mörkum frá þeim Ásgeiri, Bjarka og Aðalsteini. Pétur Heiðar náði svo að klóra í bakkann í uppbótartíma með marki úr vítaspyrnu. 

Lokastaðan 2-6 Völsungi í vil.

Sanngjarn sigur Völsunga á D/R staðreynd

Maður leiksins Bjarki Baldvinsson Völsungi.

kdn.is