Völsungur lá gegn Leikni F í Kjarnafæðismótinu

Völsungur lék sinn síðasta leik í riðlakepnni Kjarnafæðismótsins gegn Leikni Fáskrúðsfirði í gær, sunnudag. 

Á fésbókarsíðu knattspyrnudómarafélags Norðurlands, sem heldur mótið, kemur fram að Leiknir F hafi haft sigur í hörku leik.

Völsungur var lengstum yfir í leiknum, komust í 1-0 og aftur í 2-1 eftir að Leiknir höfðu jafna. Tvö mörk á síðustu 10 mínutunum tryggðu hinsvegar Leiknismönnum sigur.

Mörk Völsungs í leiknum skoruðu Jóhann Þórhallsson og Ásgeir Kristjánsson.

Völsungur mun leika síðasta leik sinn í mótinu um næstu helgi. Liðið mun leika um 7.-8. sætið í mótinu gegn KF. (volsungur.is)