Völsungur lá fyrir Þór2 í Kjarnafæðismótinu

Völsungur hóf leik í Kjarnafæðismótinu í gær þegar þeir mættu Þór2 í Boganum.

Akureyri.net greinir svo frá leiknum:

Þórsarar byrjuðu mun betur og komust yfir strax á 9 mínútu og var þar að verki Jakob Snær með fallegu skoti utan út teignum.

Á 21 mínútu svöruðu Völsungar svo fyrir sig.  Þeir létu boltann ganga vel á milli sín á vallarhelming Þórsara og var það svo Jóhann Þórhalls sem sendi glæsilega sendingu inn fyrir vörn Þórsara á Ásgeir sem skaut boltanum í fjærhornið fram hjá Aroni í markinu.

Lítið gerðist eftir þetta og staðan 1-1 í hálfleik.

Seinni hálfleikur var svipaður og sá fyrri.  Þórsarar meira með boltann og lítið um færi.  En á 77 mínútu vinnur Aron Ingi boltann af harðfylgi og boltinn berst til Nökkva sem er tekinn niður í teignum og víti dæmt.  Alexander Ívan tók spyrnuna og skoraði af öryggi.

Eftir þetta fengu bæði lið ágætis færi til að bæta við mörkum en ekki tókst það og sanngjarn sigur Þórsara staðreynd.

Maður leiksins: Alexander Ívan Bjarnason

Áhorfendur um 110

Þór2 – Völsungur  2-1

1 – 0  Jakob Snær Árnason 9 min

1 – 1  Ásgeir Kristjánsson 21 min

2 – 1  Alexander Ívan Bjarnason 77 min