Völsungur kominn í undanúrslit Kjörísbikarsins í blaki

Völsungar fagna sigri.

Völsungur tryggði sér í dag sæti í undanúrslitum Kjörísbikars kvenna með sigri í dramtískum leik á móti Álftanesi.

Leikið var í íþróttahöllinni á Húsavík og byrjuðu heimastúlkur af krafti og unnu fyrstu tvær hrinurnar 26-24. Álftanes unnu svo næstu tvær hrinur (12-25 og 20-25).

Í oddahrinunni var jafnt á nær öllum tölum en í stöðunni 13-13 átti Álftanes tvö misheppnuð smöss í röð og þar með tryggði Völsungur sér verðskuldaðan sigur í leiknum, 3-2.

Fyrirliði Völsungs í dag var Tamara Kaposi-Pető og má með sanni segja að hún hafi barist af öllum kröftum fyrir lið sitt, jafnvel eftir að hafa misst andann eftir harkalegt fall í gólfið í fjórðu hrinu.

Tamara var stigahæst Völsunga með 27 stig. Heiðdís Edda Lúðvíksdóttir var með 17 stig og Sigrún Marta Jónsdóttir með 10 stig.

Völsungur mun mæta liði KA í fyrri undanúrslitaleik Kjöríssbikarsins í Digranesi nk. föstudag 12. mars kl. 17:00. Seinni viðureignin hefst kl. 20:00 og eru það Afturelding og HK sem eigast við.

Það var gríðarmikil stemming í höllinni í dag og voru um 110 áhorfendur mættir á pallana.

Tomi þjálfari og stelpurnar þakka kærlega fyrir stuðninginn! Áfram Völsungur!