Völsungur kominn áfram í Lengjubikarnum

Elvar Baldvinsson markaskorari Völsungs í kvöld.

Völsungur sigraði Magna frá Grenivík í toppslag 4 riðils B-deildar Lengjubikarsins í kvöld en leikið var á gervigrasvellinum á Húsavík.

Liðin voru jöfn á toppi riðilsins fyrir leikinn með 12 stig og sæti í undanúrslitum í húfi.

Völsungur hafði betur en Elvar Baldvinsson skoraði eina mark leiksins þegar hann komst einn inn fyrir þegar stundarfjórðungur var eftir af leiknum og sendi boltann framhjá markverði Magna og í netið. 

Völsungur endaði með fullt hús stiga í riðlinum, 15 stig og sæti í undanúrslitunum í höfn.

Hér koma myndir úr leiknum og með því að smella á þær er hægt að fletta þeim og skoða í stærri upplausn.

Bakvörðurinn Bergur Jónmundsson gefur boltann fyrir mark gestanna.

Völsungar verjast með Gunnar Sigurð Jósteinsson í broddi fylkingar.

Sambataktar hjá leikmanni Magna í kvöldsólinni sem skein um stund.

Eyþór Traustason tekur innkast.

Ásgeir Kristjánsson einn af ungu og efnilegu leikmönnum Völsungs.

Rangstaða dæmd þarna á Sæþór Olgeirsson.

Guðmundur Óli Steingrímsson í baráttu um boltann við leikmann Magna.

Geirlaugur Árni Kristjánsson sækir að leikmanni Magna.

Völsungar eiga horn.

Bjarki Baldvinsson fyrirliði með skot að marki en framhjá flaug hann.

Geirlaugur Árni Kristjánsson og leikmaður Magna kljást um boltann.

Völsungar sækja.

Elvar Baldvinsson sloppinn í gegn og boltinn lá í netinu örskömmu síðar.

Völsungar fagna.

Eyþór Traustason sækir að marki Magna.

Arnþór Hermannsson geysist upp kantinn.

Bjarki í færi undir lok leiks.