Völsungur hafði betur gegn toppliði KF

Markvörður Völsunga grípur boltann örugglega.

Völsungur fékk topplið KF í heimsókn í kvöld en liðið var ósigrað í 2. deildinni eftir þrjár umferðir.

Völsungur komst tveimur mörkum yfir í leiknum en fyrra markið kom rétt undir lok fyrri hálfleiks og það gerði markamaskínan Sæþór Olgeirsson.

Fljótlega í síðari hálfleik tvöfaldaði Arnar Pálmi Kristjánsson forystuna en þegar korter var til leiksloka minnkaði Oumar Diouck muninn fyrir KF. Og þar við sat

Völsungur kominn með sjö stig í deildinni og vermir annað sætið eins og er en KF enn á toppnum.

Hér kemur myndasyrpa frá leiknum og með því að smella á myndirnar er hægt að fletta þeim og skoða í hærri upplausn.