Völsungar/Efling léku gegn HK í KjörísbikarnumÍþróttir - - Lestrar 188
Völsungar/Efling fengu HK í heimsókn í gær þegar liðin mættust í fyrstu umferð bikarkeppni karla í blaki, Kjörísbikarnum.
Blakfréttir segja svo frá leiknum:
HK hefur gengið vel í vetur og einungis tapað einum leik í vetur, í úrvalsdeildinni, á meðan Völsungur eru um miðja fyrstu deild það var því ljóst að þetta yrði erfitt verkefni fyrir heimamenn.
Völsungur mættu þó alveg óhræddir í fyrstu hrinuna og spiluðu fínt blak alveg pressulausir gegn sterku liði HK. Hrinan var jöfn og spennandi en Völsungur var þó alltaf skrefinu á undan, hrinan var svo mjög spennandi í lokinn en Völsungur hélt út og vann fyrstu hrinuna 25-23 og voru því komnir 1-0 yfir.
HK voru fljótir að jafna sig á þessari hrinu og mættu mun ákveðnari til leiks í annari hrinunni, þar höfðu þeir tögl og haldir og keyrðu yfir Völsung en þeir unnu hrinuna 25-10.
Næstu tvær hrinur voru svo svipaðar HK voru sterkari en Völsungur sýndu fínt blak inná á milli en á endanum var munurinn of mikill á liðunum og HK kláruðu síðustu tvær hrinurnar 25-15 og 25-19.
HK eru því komnir áfram í 8-liða úrslit en Völsungur fá mikið hrós fyrir sína frammistöðu en þeir sýndu að þeir geta alveg staðið í bestu liðum landsins.
Hér kemur myndasyrpa ljósmyndara 640.is frá leiknum og með því að smella á myndirnar er hægt að fletta þeim og skoða í hærri upplausn.