Völsungur er deildarmeistari 1. deildar kvenna í blakiÍþróttir - - Lestrar 292
Völsungur er deildarmeistari í 1. deild kvenna tímabilið 2020-2021 en síðustu deildaleikirnir fóru fram um síðustu helgi.
Á vef Blakfrétta.is segir að líkt og í öðrum deildum var keppni stöðvuð tvisvar á tímabilinu vegna Covid-19.
Það hafði auðvitað áhrif á leikjafjölda liða en líkt og í Mizunodeildum karla og kvenna þá var ekki hægt að klára alla deildarleikina.
Aðeins náðist að leika 73,2% af deildarleikjum 1.deildar kvenna og fór svo að Völsungur sátu uppi sem deildarmeistarar með 23 stig eftir 9 leiki.
Úrslitakeppni 1.deildar kvenna er hafin en þar mætast annarsvegar Fylkir og BF og svo Völsungur og Ýmir. BF og Völsungur hafa yfirhöndina eftir fyrri leiki liðanna en Völsungur vann Ými 3-0 í dag.
Seinni leikir liðanna fara fram á morgun og verður þá ljóst hvaða lið mætast í úrslitum.
Að loknum leik Völsungs og Ýmis í dag fengu Völsungar afhenta verðlauna-peninga auk bikars fyrir deildarmeistaratitilinn.
Og þá var kátt í höllinni en áhorfendur máttu loks mæta á leikina og um að gera að mæta á seinni leikinn gegn Ými sem er kl. 13:00 á morgun.
Tami fyrirliði tók við bikarnum.
Bikarnum og deildarmeistaratitlinu fagnað.
Völsungur deildarmeistarar 1. deildar kvenna 2021.
Með því að smella á myndirnar er hægt að fletta þeim og skoða í hærri upplausn.
By clicking on the images you can view them in higher resolution