Vill byggja 180-200 herbergja hótel á höfðanum.

Á Húsavíkurhöfða.

Á sveitarstjórnarfundi Norðurþings fyrir jól var ákveðið að lóðin að Vitaslóð 2 á Húsavíkurhöfða verði frátekin fyrir norska byggingarfyrirtækið Fakta Bygg.

Lóðin verður frátekin fyrir fyrirtækið til loka apríl 2019 meðan fyrirtækið þróar sínar hugmyndir að uppbyggingu hennar en fyrirhugað er að reisa þar hótel.

Að fyrirtækinu Fakta Bygg stendur Húsvíkingurinn Kristján Eymundsson sem búsettur hefur verið í Noregi um árabil.

Vísir.is greinir frá þessu í dag en þar segir Kristján m.a að um tveggja til þriggja milljarða króna framkvæmd geti orðið að ræða, fáist fjárfestar að verkefninu. Hann tekur fram að verkið sé á byrjunarstigi.

Fyrirtækið hafi sett sér áætlun um framgang verkefnisins til vorsins 2019 en að hönnunarvinna hefjist eftir áramótin. Ef allt gangi eftir sé raunhæft að framkvæmdir hefjist 2019 og að hótelið, sem verður 180-200 herbergja, verði tekið í notkun árið 2021.

Ef af verður mun þetta tvöfalda gistirýmið í bænum.

Lesa fréttina í heild sinni á Vísi.is