Valur Snær og Birna Dögg klúbbmeistarar GH

11. júl

Valur Snær og Birna Dögg klúbbmeistarar GH
Íþróttir - - Lestrar 240

Valur Snær og Birna Dögg klúbbmeistarar GH.

Meistaramót Golfklúbbs Húsavíkur var haldið dagana 6.-9. júlí og stóðu Valur Snær Guðmundsson og Birna Dögg Magnúsdóttir uppi sem klúbbmeistarar GH árið 2022.

Fram kemur á Fésbókarsíðu GH að keppt hafi verið í fimm flokkum og var keppnin víða spennandi til lokadags. Fjórir flokkar spiluðu alla fjóra dagana en flokkur 67 ára og eldri lék tvo daga

Í flokki 67 ára og eldri var það Bjarni Sveinsson sem sigraði, en hann var jafnframt eini þátttakandinn. Bjarni lék samtals á 166 höggum.

Í 3. flokki karla var æsispennandi keppni milli þriggja efstu manna og réðust úrslitin á síðustu holu mótsins

1. Einar Halldór Einarsson - 416 högg

2. Fannar Ingi Sigmarsson - 417 högg

3. Hilmar Þór Guðmundsson - 418 högg

Í 2. flokki karla var sigurvegari í sérflokki en 25 höggum munaði þegar uppi var staðið á 1. og 2. sæti.

1. Axel Reynisson - 315 högg

2. Davíð Helgi Davíðsson - 340 högg

3. Methúsalem Hilmarsson - 358 högg

Í 1. flokki kvenna varði klúbbmeistarinn titilinn sinn örugglega, en úrslit um 3. sætið lauk ekki fyrr en eftir bráðabana.

1. Birna Dögg Magnúsdóttir - 335 högg

2. Kiddý Hörn Ásgeirsdóttir - 390 högg

3. Hulda Þórey Garðarsdóttir - 408 högg eftir bráðabana gegn formanni okkar Birnu Ásgeirsdóttur sem einnig lék á 408 höggum.

Í 1. flokki karla var krýndur nýr klúbbmeistari en hann er á 16. aldursári. Sá lék gríðar öflugt golf og verður gaman að fylgjast með afrekum hans á komandi árum.

1. Valur Snær Guðmundsson - 291 högg

2. Arnþór Hermannsson - 295 högg

3. Agnar Daði Kristjánsson - 307 högg

Mótið gekk í alla staði mjög vel. Veðrið milt og gott ásamt því að völlurinn er í algjöru toppstandi segir á Fésbókarsíðu Golfklúbbs Húsavíkur.

« Til baka