Útskrift frá Borgarhólsskóla

Nemendur tíunda bekkjar Borgarhólsskóla kvöddu skólann sinn sl. föstudag eftir tíu ára skólagöngu með skólaskírteini í hönd.

Þórgunnur Reykjalín, skólastjóri kvaddi nemendur og sagði m.a. að hver væri sinnar gæfusiður og að framtíðin væri nemendanna sjálfra.

Sömuleiðis gerði hún orð Hannesar Hafstein að sínum; „Eg veit eigi aðra betri ósk, er ég get bundið við þessa athöfn, en að æskulýður Íslands festi sér í hug þann sannleik, að mennt er mátturog að menntaleysi er máttleysi. Hver sem eykur menntun sína, eykur mátt sinn, og þar að auki mátt þess lands sem á hann“.

Nemendur fluttu söngatriði og sömuleiðis þakkarorð til starfsfólks skólans með hvers konar endurminningum.

Að lokinni athöfn var boðið upp á hressingu og jafnframt tekin mynd í stiganum venju samkvæmt segir á heimasíðu skólans.

Ljósmynd Borgarhólsskóli.