Um 5% atvinnuleysi á félagssvæði Framsýnar í júlímánuði

Í lok júlí voru 186 skráðir atvinnulausir á félagssvæði Framsýnar sem þýðir um 5% atvinnuleysi á svæðinu meðan það var um 8,8% á landsvísu.

Atvinnuleysið skiptist þannig milli sveitarfélaga í Þingeyjarsýslum:

Norðurþing 140, Þingeyjarsveit 25, Skútustaðahreppur 20 og Tjörneshreppur 1

Í frétt á heimasíðu Framsýnar segir að mun fleiri karlar en konur séu á atvinnuleysisskrá. Karlar voru 116 og konur 70. Því miður eru horfur á að atvinnuástandið fari versnandi þegar líður á haustið. Þar kemur til að töluvert er um uppsagnir í ferðaþjónustunni og þá fer áhrifanna vegna uppsagnanna hjá PCC á Bakka að gæta í ríkari mæli.

Margt bendir því til þess að veturinn verði mörgum erfiður segir í fréttinni.