28. ágú
Tíu Völsungar lögðu topplið Þróttar úr VogumÍþróttir - - Lestrar 348
Völsungur vann góðan heimasigur á Þrótti úr Vogum á Vodafonevellinum á Húsavík í dag.
Um toppslag 2. deildar karla var að ræða og eftir leikinn munar aðeins tveimur stigum á liðunum þegar þrjár umferðir eru eftir af deildinni.
Völsungar byrjuðu vel þegar Arnar Pálmi Kristjánsson kom heimamönnum yfir strax á áttundu mínútu en skömmu síðar fékk Santiago Feuillassier rautt spjald.
Völsungar þar með einum færri og þrátt fyrir þunga sókn mest allan leikinn tókst Þrótti ekki að jafna.
Völsungar sækja Magna heim nk. laugardag en staðan í 2. deildinni er svona:
- Þróttur V. 38
- Völsungur 36
- KV 34
- Njarðvík 32
- Magni 30
- ÍR 28
- KF 28
- Reynir S. 26
- Haukar 22
- Leiknir F. 18
- Fjarðabyggð 11
- Kári 9