Til fróðleiks fyrir íbúa Norðurþings

Hjálmar Bogi Hafliðason.

Hlutverk minnihluta sveitarstjórnar hverju sinni er ærið og við komið ýmsu í verk.

Hér má sjá lista með 40 tillögum sem fulltrúar B-lista og oftast í samstarfi með fulltrúum E-lista lögðu fram síðastliðin fjögur ár.

Listinn er ekki tæmandi. Margar af tillögunum voru samþykktar samhljóða þó ekkert hafi orðið af sumum þeirra þrátt fyrir að þær séu lagðar fyrir í tví- eða jafnvel þrígang.

Það er gott að halda sögunni til haga, líka fyrir kosningar. Eru þá ótaldar bókanir varðandi hin ýmsu mál. 

• Að hafinn verði undirbúningur að uppbyggingu félagsmiðstöðvar/ungmennahúss á Húsavík. Þrívegis lagt fram, ávallt samþykkt samhljóða.
• Tillaga um að endurvekja forvarnarhóp, tvívegis og samþykkt samhljóða.
• Að samþykktir Norðurþings; um stjórn, fundarsköp, nefndarskipan o.fl. verði endurskoðaðar.
• Að hafinn verði undirbúningu á byggingu húsnæðis fyrir frístundastarfsemi á Húsavík.
• Að álagningaprósenta fasteignaskatts á íbúðarhúsnæði lækki í 0,475 í stað 0,5.
• Vinna við greiningu á húsnæðismálum á Kópaskeri og í Öxarfirði.
• Að farið verði í samstarf við ungmennafélagið Snört á Kópaskeri vegna mögulegrar uppbyggingar á sparkvelli á Kópaskeri.
• Að leikvöllum yrði fækkað og þeim betur við haldið og markvisst yrði unnið að uppbyggingu þeirra.
• Endurnýjun á grasi á sparkvöllum við Borgarhólsskóla á Húsavík.
• Ósk um stefnumótun Norðurþings í íþrótta- og æskulýðsmálum.
• Að stofnaður verði aðgerðarhópur á vegum Norðurþings til að fást við þau efnahagslegu úrlausnarefni sem upp koma í kjölfarið á Covid-19 veirunni.
• Að haldin verði fjölmenningarhátíð á Húsavík á vordögum 2019.
• Að skipuð verði sérstök afmælishátíðarnefnd til að skipuleggja 70 ára afmæli Húsavíkur sem ber upp á næsta ári, 2020.
• Að skipuð verði þriggja manna nefnd um starfsemi og rekstur hafna Norðurþings sem vera muni stjórn Hafnasjóðs Norðurþings.
• Að árlega verði veitt umhverfisverðlaun Norðurþings. Veitt verði verðlaun í þremur flokkum.
• Að sveitarfélagið Norðurþing útnefni árlega listamann sveitarfélagsins.
• Tillaga um að leitast við að veita verktökum innan brothættra byggða forgang þegar kemur að útboðum til að auka virðisaukann og styrkja atvinnustigið innan skilgreindra svæða.
• Að athugasemd verkefnisstjórnar Öxarfjörður í sókn verði athugasemd sveitarstjórnar vegna fyrirhugaðrar friðlýsingar vatnasviðs Jökulsár á Fjöllum.
• Að flétta saman markaðs- og menningarmál sveitarfélagsins.
• Að sveitarfélagið Norðurþing geri uppbyggingarstyrk við félög eldri borgara.
• Að hver nemandi nemandi í grunnskóla fái spjaldtölvu til afnota við nám í skóla sínum frá og með upphaf skólaársins 2019.
• Að teknar verði saman mögulegar sviðsmyndir varðandi uppbyggingu á útivistar- og skíðasvæði við Reyðarárhnjúk.
• Að bókhald sveitarfélagins verði gert aðgengilegt íbúum Norðurþings á heimasíðu þess.
• Að sveitarfélagið sé aðili að uppbyggingu húsnæðis, bæði sem stefnumótunaraðili og með beinum hætti séð það möguleiki. Byggja þarf húsnæði sem hentar þörfum hverju sinni og í hæfilegu magni. Sérstakur húsnæðisskortur virðist viðvarandi í þéttbýli í Norðurþingi.
• Að gerð verði áætlun fyrir rekstur félagslegra íbúða í eigu Norðurþings.
• Að það starf sem verður til við sameiningu bæjarverkstjóra og umhverfisstjóra (áður garðyrkjustjóra) verði auglýst laust til umsóknar að loknum skipulagsbreytingum á framkvæmdasvæði.
• Að starf framkvæmda- og þjónustufulltrúa verði auglýst.
• Að gönguleið/stigi verður endurgerður frá Stangarbakka niður í Búðarár á Húsavík.
• Að gerð verði gönguleið frá norðurenda Melastígs við Traðagerði verði lengd til norðurs þannig að hún nái út á Húsavíkurhöfða.
• Að haldin verði hreinsunarvika í sveitarfélaginu þar sem íbúum gefst tækifæri til að fegra umhverfi sitt.
• Að svæðið suður úr Skrúðgarði upp með Skógargerðislæk að Vatsnþró við Þeistareykjaveg verðu hluti af svæði Skrúðgarðsins.
• Að uppbyggingu við skíða- og útisviarsvæðið við Reyðarárhnjúk verði hraðað s.s. með flutningi á lyftum á svæðið eða kaupum á lyftu.
• Að Tún, nyrðri hluti, verði gerður aðgengilegur fyrir ungt fólk til listsköpunar og æfinga.
• Að mótuð verði atvinnustefna.
• Að skipa vinnuhóp um uppbyggingu á Bakka.
• Að forsvarsmenn Húsasmiðjunnar annarsvegar og Samkaupa hf. hinsvegar verði boðaðir á fund byggðarráðs vegna framþróunar og uppgangs verslana sinna á Húsavík.
• Að haldinn verði kynningarfundur vegna uppbyggingar nýs hjúkrunarheimilis á Húsavík
• Að byggðarráð skori á Vegagerðina að tryggja þjónustu og mokstur á vegkafla frá þjóðvegi nr. 85 að flugstöð Húsavíkurflugvallar.
• Að sveitarstjóra verði falið að sækjast eftir auknum byggðakvóta, s.s. á Kópaskeri og Raufarhöfn. Sérstaklega verði að huga að fá byggðakvóta á Húsavík sem er enginn.
• Að gera minnisblað varðandi mögulega atvinnuuppbyggingu í Norðurþingi og taka saman nauðsynlegar upplýsingar.

Vegna uppbyggingar á Bakka, ferðaþjónustu og jákvæðum áhrifum þess hefur ákveðinn viðsnúningur átt sér stað hjá sveitarfélaginu. Því ber að halda til haga og þarf að nýta áfram til góðra verka. Eins hafa ytri aðstæður verið sveitarfélögum hagstæðar þrátt fyrir covid-19.

Það eru ótal tækifæri í okkar samfélagi og víða hægt að gera miklu betur til að bæta það. Það er nauðsynlegt að skapa meiri tekjur, viðhafa aga í rekstri og stjórnun sveitarfélagsins. Að upplýsa íbúa um framgang mála, vænta umræðu til að fá gagnrýni og stuðla að samvinnu. 

Hjálmar Bogi Hafliðason

Sveitarstjórnarfulltrúi og oddviti B-lista