Þungaflutningar á Þeistareyki

Rafallinn á leið upp Reykjaheiðina.

Í gær var skipað upp úr flutningaskipinu BBC Polonia við Bökugarðinn fyrstu túrbínunni sem skipið kom með frá Japan fyrir Þeistareykjavirkjun.

Það var mikill viðbúnaður á Bökugarðinum og komið undir kvöld þegar túrbínan var loksins komin upp á vélavagn.  

Hann var dreginn af öflgugum MAN trukki frá ET og við Þverholtið voru tveir trukkar í viðbót tengdir við þannig að tveir myndu draga vagninn upp eftir og einn ýta á eftir.

Þá var lagt í´ann á Reykjaheiðina en mestur spenningur var hvernig gengi upp að Grjóthálsi en allt gekk þetta vel fyrir sig og túrbínan komst í hús.

Um sannkallaða þungaflutninga var að ræða þar sem túrbínan, eða hverfill upp á íslensku, er um 135 tonn og þá var einnig rafall um borð sem er 100 tonn.

Þetta mun hafa verið 270 tonna lest sem fór upp Reykjaheiðina að Þeistareykjum og gekk allt vel.

Hér koma nokkrar myndir frá flutningunum og með því að smella á þær er hægt að fletta þeim og skoða í stærri upplausn.

BBC Polonia við Bökugarðinn eftir langa siglingu frá Japan þar sem túrbínan og rafallinn voru smíðuð.

Rafallinn hífður á land.

Túrbínan komin á 108 hjóla vagninn frá ET.

Ekið suður Garðarsbraut en fyrirtækið ET sá um flutningana  upp á Þeistareyki.

Ekki var ekið suður Stangarbakkann þar sem óvíst var hvort brúin yfir Búðarárgilið þyldi þennan þunga.

Það var þröngt í beygjunni við bakaríið.

Búið að tengja og lagt af stað áleiðis að Þeistareykjum.

Og hér er túrbínan kominn inn í stöðvarhús Þeistareykjavirkjunnar. Ljósmynd Hreinn Hjartarson.

Ljósmynd Hreinn Hjartarson.

Í dag var rafallinn fluttur upp eftir.

Magnað að fylgjast með þessum flutninnum en eins og sjá má á myndinni beygir vagninn á öllum hjólum.

Nákvæmt var það.

Þar sem rafallinn er öllu léttari en túrbínan var látið duga að tengja einn trukk við vélavagninn.

Lestin brunar.

Hér má sjá hvernig trukkurinner tengdur við vélavagninn.