Þingiðn styrkir Björgunarsveitina Garðar

Frá afhendingu styrksins. Lj. framsyn.is

Þingiðn ákvað á fundi sínum í gærkveldi að styrkja Björgunar-sveitina Garðar um 250.000 kr. og fór afhendings styrksins fram í hádeginu í dag.

Á heimasíðu Framsýnar segir:

"Eins og kunnugt er hefur mikið verið um útköll hjá björgunar-sveitum á Norðurlandi vegna veðurofsans sem gengið hefur yfir landið síðustu daga og ekki er séð fyrir endann á.

Ein af þeim björgunarsveitum sem þurft hefur að takast á við krefjandi verkefni er Björgunarsveitin Garðar. Að því tilefni samþykkti stjórn Þingiðnar á fundi í gærkvöldi að styrkja björgunarsveitina um kr. 250.000". 

Á meðfylgjandi mynd má sjá formann Þingiðnar, Jónas Kristjánsson, afhenda fulltrúum björgunarsveitarinnar þeim Ástþóri Stefánssyni og Birgi Mikaelssyni gjöfina til sveitarinnar og konfekt til þeirra björgunarsveitarmanna sem standa vaktina í stjórnstöðinni.