Þingeyskir framsóknarmenn krefjast þess að ráðherra bregðist við brotthvarfi Vísis

Fram­sókn­ar­fé­lag Þing­ey­inga lýs­ir yfir veru­leg­um von­brigðum yfir aðgerðarleysi rík­is­stjórn­ar­inn­ar vegna brott­hvarf Vís­is frá Húsa­vík. Fé­lagið krefst þess að ráðherra sjáv­ar­út­vegs­mála bregðist við þessu.

Félagið fundaði í gær og sendi í kjölfarið eftirfarandi fréttatilkynningu til fjölmiðla:

"Þann 28. mars síðastliðinn tilkynnti Vísir hf. bæjaryfirvöldum í Norðurþingi að fyrirtækið hugðist loka vinnslu sinni á Húsavík 1. maí. Jafnframt hugðist fyrirtækið loka vinnslum sínum á Djúpavogi og Þingeyri.

Vísir hf. bauðst til að flytja fólk hreppaflutningum til Grindavíkur þar sem stækka átti verksmiðju fyrirtækisins. Þeir sem það ekki þáðu var annað hvort vísað á atvinnuleysisbætur vegna hráefnisskorts í vinnslunni á Húsavík eða aðrir hófu vinnu við niðurrif á verksmiðjunni. Þetta er nú orðinn hlutur.

Sértækum kvóta hefur nú verið úthlutað á Djúpavogi og Þingeyri vegna brotthvarfs Vísis hf. enda hefur fyrirtækið nú ákveðið að hverfa ekki frá þessum stöðum að sinni. Hinsvegar hefur ríkisvaldið ekki brugðist við brotthvarfi Vísis hf. á Húsvík og lýsir Framsóknarfélag Þingeyinga verulegum vonbrigðum yfir aðgerðarleysinu. Félagið krefst þess að ráðherra sjávarútvegsmála bregðist við þessu enda hverfa tæplega 3000 tonna aflaheimildir úr byggðlaginu og stuðlað að hnignun útgerðar á Húsavík".