Þingeyjarsveit - Skrifað undir samning um ljósleiðarastyrk

Jón Gunnarsson og Dagbjört Jónsdóttir.

Þann 28. febrúar skrifuðu fulltrúar fjarskiptasjóðs og sveitarfélaga undir samninga um styrk sjóðsins til sveitarfélaga vegna ljósleiðaravæðingar þeirra í tengslum við landsátakið Ísland ljóstengt.

Athöfnin fór fram á skrifstofu Sambands íslenskra sveitarfélaga að Borgartúni 30 í Reykjavík þar sem fulltrúar sveitarfélaganna og Jón Gunnarsson, samgöngu- og sveitarstjórnarráðherra staðfestu samningana með undirskrif sinn.

Þingeyjarsveit hlaut styrk að fjárhæð 29 milljónir til verkefnisins fyrir árið 2017 og mætti Dagbjört Jónsdóttir sveitarstjóri f.h. sveitarfélagsins til að undirrita og handsala samninginn. (thingeyjarsveit.is)

Jón Gunnarsson, samgöngu- og sveitarstjórnarráðherra, og Dagbjört Jónsdóttir, sveitarstjóri Þingeyjarsveitar takast í hendur að lokinni undirskrift. Ljósmynd af heimasíðu Þingeyjarsveitar.