Þátttaka þín skiptir máli

Nú stendur yfir rannsókn á áhrifum af nokkrum sameiningum sveitarfélaga. Hluti af því er að gera könnun meðal íbúa í nokkrum sveitarfélögum sem hafa sameinast á síðustu árum.

Að þessu sinni er um vefkönnun að ræða og  feta umsjónarmennirnir, Grétar Þór Eyþórsson og Vífill Karlsson hjá Háskólanum á Akureyri, sig áfram með að nýta samfélagsmiðlana  eins og Fésbókina, rafræna fréttamiðla og fleira.

Allir íbúar Norðurþings sem orðnir eru 18 ára eru beðnir um að svara könnuninni með því að fara inná hana á þessari vefslóð:  surveymonkey.com/s/vefkonnun og svara henni.

Einnig má sjá þátttökuhnapp hér til hægri á fréttasíðunni. Það tekur ekki meira en 3-4 mínútur.

Einnig eru lesendur hvattir til að benda öðrum íbúum sveitarfélagsins á könnunina. Þeim mun meiri sem þátttakan er þeim mun áreiðanlegri eru niðurstöðurnar og hægt verður að gera sjónarmiðum sveitarfélagsins Norðurþings sérstaklega skil.

Tekið skal skýrt fram að svör eru ekki persónugreinanleg og niðurstöður ekki settar fram á þeim grunni.