Tami og Sæþór Íþróttafólk Völsungs 2021.

Tami Kaposi og Sæþór Olgeirsson.

Tamara Kaposi-Peto blakkona og Sæþór Olgeirsson knattspyrnumaður eru Íþróttakona og Íþróttamaður Völsungs fyrir árið 2021

Kjörinu var lýst í gær en líkt og í fyrra var það haldið með breyttu sniði sökum sóttvarnarreglna.

Alls voru fimm einstaklingar tilnefndir úr þrem deildum félagsins en úrslit voru kunngjörð í vallarhúsinu þar sem verðlaunahafar voru viðstaddir. 

Í kjöri voru eftirtaldir aðilar:

• Árdís Rún Þráinsdóttir knattspyrnukona Völsungs 2021 
• Hreinn Kári Ólafsson blakmaður Völsungs 2021
• Sæþór Olgeirsson knattspyrnumaður Völsungs 2021
• Tamara Kaposi-Peto blakkona Völsungs 2021
• Tómas Halldór Pétursson langhlaupari (Almenningsíþróttadeild) Völsungs 2021

Tamara Kaposi-Peto var kjörin Íþróttakona Völsungs 2021

Tamara leiddi lið meistaraflokks kvenna til sigurs í 1. deild Íslandsmótsins á vordögum 2021 með einstökum árangri. Hún leiddi liðið í ógleymanlegum leik þegar Völsungur sló úrvalsdeildar lið Álftanes út úr bikarkeppninni og komst liðið þar með í úrslitahelgi blaksambandins. Sem fyrirliði liðsins hefur hún náð að stýra liðinu með mikilli prýði og vera fyrirmynd yngri leikmanna liðsins sem hafa tekið miklum framförum með hana sér við hlið allt síðastliðið ár. Hún er einstaklega sterkur, lipur og útsjónarsamur leikmaður. Einnig hefur Tamara þjálfað yngri flokka í blaki og er gríðarlega metnaðarfull í því starfi og mikil fyrirmynd. 

Sæþór Olgeirsson var kjörinn Íþróttamaður Völsungs 2021

Sæþór Olgeirsson - Sæþór Olgeirsson spilaði sitt besta tímabil í meistaraflokki í knattspyrnu nú í sumar. Hann skoraði 20 mörk í 2.deild og auk þess 6 mörk í Mjólkurbikar KSÍ. Aldrei hefur leikmaður Völsungs skorað jafn mörg mörk í löggildum keppnismótum yfir sumarið. Sæþór var kosinn besti leikmaður 2.deildar og í lið ársins af leikmönnum og þjálfurum 2.deildar í kosningu hjá fotbolti.net, stærsta fréttamiðli íslenskrar knattspyrnu. Auk þess var Sæþór kosinn bestur leikmanna af liðsfélögum sínum á lokahófi í haust.Sæþór er fyrirmynd ungra iðkenda Völsungs og leggur sig alltaf 100% í verkefnið. Hugsar vel um sig og hagar sér eins og atvinnumaður í öllum athöfnum innan sem utan vallar. Hann spilaði lykilhlutverk og var leiðandi í Völsungsliði sem var í baráttu allt fram að lokaflauti lokaumferðar í að komast upp um deild. Völsungur endaði í 3.sæti í sumar.

Árdís Þráinsdóttir knattspyrnukona Völsungs 2021

Árdís sem er fyrirliði Völsungs var alger lykilmaður í Völsungsliðinu árið 2021. Hún ásamt liðsfélögum sínum endaði í 3.sæti í Kjarnafæðimótinu í byrjun árs. Aðeins voru lið í efstu deild í sætum fyrir ofan Völsung. Árdís var máttarstólpi í vörn Völsungs sem endaði í 2.sæti í sinni deild í sumar. Liðið fékk á sig fæst mörk allra liða í deildinni og spilaði Árdís risastórt hlutverk í því afreki. Árdís fékk á haustdögum atkvæði um að vera í liði ársins á vefsíðunni fotbolti.net. Á lokahófi Völsungs var Árdís svo valin Völsungur ársins.Árdís er frábær íþróttamaður og öðrum iðkendum, ungum sem öldnum, frábær fyrirmynd bæði utan vallar sem innan. Hún setur miklar kröfur á sjálfan sig og leggur sig alltaf 100% fram í öll þau verkefni sem fyrir liggja.

Tómas Halldór Pétursson Langhlaupari Völsungs 2021 - Almenningsíþróttadeild

Árið 2021 var langbesta hlaupaár Tómasar. Hann var mjög stöðugur í æfingum um veturinn, bætti svo í um vorið og toppaði um sumarið. Tómas var afar duglegur að sækja hlaupaviðburði víða um land. Þannig heimsótti hann Vestfirði og Strandir í sitthvorri ferðinni. Þá fór hann til Vestmannaeyja auk þess að fara austur á land og í keppnir hér á norðaustursvæðinu. Hann náði fantagóðum árangri, varð meira og minna á topp tíu í hlaupunum sem hann tók þátt í. Tvívegis komst hann á pall, í Skálavíkurhlaupinu þar sem hann hafnaði í öðru sæti og í Þorvaldsdalsskokkinu sem hann sigraði. Árangur Tómasar sem verður fimmtugur á árinu 2022 er góð uppskera dugnaðar og staðfestu en hann keyrir nokkrum sinnum í viku til Húsavíkur til að ná æfingum með Hlaupahópnum Skokka. Tómas er verðskuldað langhlaupari Völsungs árið 2021. 

Hreinn Kári Ólafsson Blakmaður Völsungs 2021

Hreinn Kári hefur spilað lykilstöðu með meistaraflokki karla á árinu og einnig verið kallaður til æfinga og keppni með bæði U17 og U18 ára landslðið Íslands. Hann er hæfileikaríkur og leggur ávallt hart að sér á æfingum. Þrátt fyrir lítil verkefni fyrrhluta árs sló hann aldrei af í mætingu og hafa framfarir verið samkvæmt því. Hreinn hefur æft blak frá unga aldri og ávallt verði mjög áhugasamur og drífand. Einnig hefur hann hefur verið mjög duglegur í starfi blakdeildarinnar og mætt og starfað á leikjum mfl. kvenna og unnið við þau störf sem til falla. Hreinsi er sterkur og snöggur blakari sem á framtíðina fyrir sér. 

Tamara Kaposi-Peto Blakkona Völsungs 2021

Tamara leiddi lið meistaraflokks kvenna til sigurs í 1. deild Íslandsmótsins á vordögum 2021 með einstökum árangri. Hún leiddi liðið í ógleymanlegum leik þegar Völsungur sló úrvalsdeildar lið Álftanes út úr bikarkeppninni og komst liðið þar með í úrslitahelgi blaksambandins. Sem fyrirliði liðsins hefur hún náð að stýra liðinu með mikilli prýði og vera fyrirmynd yngri leikmanna liðsins sem hafa tekið miklum framförum með hana sér við hlið allt síðastliðið ár. Hún er einstaklega sterkur, lipur og útsjónarsamur leikmaður Einnig hefur Tamara þjálfað yngri flokka í blaki og er gríðarlega metnaðarfull í því starfi og mikil fyrirmynd.

Hvatningaverðlaun

Við sama tilefni voru veitt hvatningaverðlaun. Hvattningarverðlaun eru veitt þeim aðilum, 16 ára og yngri, sem eru fyrirmyndir aðra iðkenda með ástundun og dugnaði bæði inann sem utan vallar. Það eru deildir félagsins sem tilnefna tvo fullrúa úr sínum röðum, einn af hvoru kyni.

Að þessu sinni voru verðlaunin veitt einstaklingum úr blaki og knattspyrnu. Í knattspyrnu voru verðlaunin veitt þeim Jakobi Héðni Róbertssyni og Sigrúnu Mörtu Jónsdóttur. Hjá blakdeild voru það þau Hörður Mar Jónsson og Hildur Gauja Svavarsdóttir.

Bjarki Baldvinsson  leikjahæsti leikmaður í sögu Völsungs

Bjarki Baldvinsson var einnig heiðraður við sama tilefni fyrir að ná þeim frábæra áfanga að hafa spilað flesta leiki alls knattspyrnufólks í sögu Völsungs. Bjarki náði þeim áfanga í sumar en þá hafði hann leikið 354 KSÍ leiki fyrir Völsung og skorað í þeim 71 mark. Áfangi sem erfitt verður að skáka í framtíðinni.