Sumarið gert upp hjá yngri knattspyrnumönnum Völsungs

Frá uppskeruhátíð yngri flokka í knattspyrnu.

Hin árlega uppskeruhátíð yngri flokka Völsungs fór fram í Íþróttahöllinni í gær.

Hátíðin var haldin með hefðbundnum hætti þar sem þjálfarar fóru yfir knattspyrnu-árið hjá hverjum flokk fyrir sig og veittu viðurkenningar og verðlaun.

Vel var mætt í höllina af iðkendum og foreldrum.

Það voru Harpa Ásgeirsdóttir, fyrirliði meistaraflokks kvenna, Bjarki Þór Jónasson, leikmaður meistaraflokks karla, og Guðrún Kristinsdóttir, formaður Völsungs, sem veittu verðlaun og viðurkenningar á hátíðinni.

8. flokkur fékk viðurkenningarskjöl fyrir þátttökuna á árinu.

Í 7. flokk æfa drengir og stúlkur saman og hér afendir Gurðuún formaður viðurkennigarskjöl og myndir.

Og hér afhendir Harpa stúlkum í 6. flokki myndir.

Þessir kappar eru í 6. flokki.

Í 5. flokk kvenna voru það þær Sylvía Lind Henrýsdóttir og Dagbjört Lilja Daníelsdóttir sem hlutu framfaraverðlaun og hér er það DagbjörtLilja sem er með Hörpu á myndinni.

Sylvía Lind og Harpa.

Í 5. flokki karla voru það nafnarnir Heimir Máni Guðvarðsson tv. og Arnþór Máni Böðvarðsson sem hlutu framfaraverðlaun.

Bjartey Birkisdóttir hlaut framfaraverðlaun í 4. flokk kvenna.

Leikmaður ársins í 4. flokk kvenna var Elfa Mjöll Jónsdóttir.

Í 4. flokk karla hlaut Magnús Aðalsteinsson framfaraverðlaun.

Leikmaður ársins í 4. flokk karla var Atli Barkarson.

Karolína Hildur Hauksdóttir hlaut framfaraverðlaun í 3. flokki kvenna.

Leikmaður ársins í 3. flokk kvenna var Arnhildur Ingvarsdóttir.

Gunnar Már Vilhjálmsson hlaut framfaraverðlaun í 2/3. flokk karla.

Leikmaður ársins í 2/3. flokk karla var Ólafur Jóhann Steingrímsson.

3. flokkar karla og kvenna, sem fóru á Gothia Cup í sumar áttu dágóða upphæðí sjóði sem þau létu renna til Völsungs. Guðrún formaður tók við styrknum sem nýttur verður upp í kaup á hjartastuðtæki sem staðsett verður í vallarhúsi við knattspyrnuvellina. Það var Sóley Sigurðardóttir einn fararstjóra á Gothia Cup sem afhenti styrkinn fyrir hönd krakkanna.

Að lokinni dagskrá og verðlaunaafhendingu var boðið upp á grillaðar pylsur í veðrublíðunni og hér eru Óskar Páll Davíðsson og Gauti Freyr Guðbjartsson við grillið.

Jana Björg Róbertsdóttir og Karólína Pálsdóttir skelltu pylsunum í brauðin.

Beðið eftir pylsu í blíðunni.

Ísabella Anna Kjartansdóttir fékk sér pylsu eins og margir aðrir.

Með því að smella á myndirnar má fletta þeim og skoðaí stærri upplausn.