Strákarnir með öruggan sigur á Ægi

Sæþór kom Völsungum á bragðið gegn Ægi.

Völsungur gerðu góða ferð á Skagann í dag þar sem þeir mættu Ægi frá Þorlákshöfn í Lengjubikarnum.

Leikið var í  Akraneshöllinni klukkan 16:00 og höfðu Völsungar betur með þremur mörkum gegn engu. 

Sæþór Olgeirsson kom Völsungi yfir snemma í leiknum og Bjarki Baldvinsson skoraði tvö mörk síðar í leiknum og kom annað þeirra úr vítaspyrnu.

Með sigrinum er Völsungur kominn á toppinn í riðli 2 í B-deild Lengjubikarsins.