Stórt hagsmunamál allra á Norðurlandi

"Framkvæmdin mun hafa gríðarlega mikil áhrif á dreifingu ferðamanna og samkeppnishæfni svæðisins, auk þess að bæta samgöngur og þar með lífsgæði fyrir íbúa.

Markaðsstofa Norðurlands vann árið 2015 skýrslu um áherslur í vegamálum á Norðurlandi, sem send var til Vegagerðarinnar. Í þeirri skýrslu var tekið saman hvar helst er úrbóta þörf í vegamálum á svæðinu, byggt á umsögnum heimamanna á hverjum stað, og var Dettifossvegur þar efstur á blaði. Skýrsluna er hægt að nálgast hér 

Ferðamálasamtök Norðurlands eystra og Markaðsstofa Norðurlands taka undir áskorun bæjarráðs Akureyrarbæjar á ríkisstjórn og Alþingi frá 2. júní um að leggja nú þegar fram fjármagn til þess að klára flutning á efni úr Vaðlaheiðargöngum í flughlað við Akureyrarflugvöll. Stækkun flughlaðs við völlinn er grundvöllur framtíðar uppbyggingar á vellinum og að hann geti sinnt sínu hlutverki sem einn af þremur varaflugvöllum alþjóðaflugs á Íslandi. Ríkið er jafnframt búið að ákveða að fjárfesta í beinu millilandaflugi um Akureyrarflugvöll og því hlýtur uppbygging sem þessi að vera sjálfsögð samhliða því. Nýting á efni úr Vaðlaheiðargöngum er lang ódýrasta leiðin til að stækka flughlaðið, þar sem einungis þarf að greiða fyrir flutning á efninu stutta vegalengd".