Skákkennsla og mót fyrir börn og unglinga á Laugum um helgina

Björn Ívar Karlsson.

Björn Ívar Karlsson, sem er reyndasti skákkennari landsins, heimsækir Þingeyinga um helgina og kennir börnum og unglingum skák í húsnæði Seiglu í Reykjadal (áður Litlulaugaskóli).

Skákkennslan hefst kl 10:00 á morgun laugardag og stendur fram að hádegi sunnudaginn 2. apríl.

Að skákkennslu lokinni verður efnt til skákmóts fyrir börn og unglinga sem hefst kl 13:30 í Seiglu og er mótið opið fyrir öll börn og unglinga á grunnskólaaldri.

Það er skákfélagið Huginn og Skákfélag Akureyrar sem standa fyrir komu Björns Ívars og vakin er sérstök athygli á því að skákkennslan og skákmótið á sunnudaginn er ókeypis fyrir þátttakendur.

Hér má sjá dagskrá helgarinnar