Skákfélagið Goðinn þakkaði Framsýn stuðninginn

Hermann Aðalsteinsson formaður Skákfélagsins Goðans kom færandi hendi á Skrifstofu stéttarfélaganna í gær og var tilgangurinn að færa Framsýn gjöf frá félaginu fyrir stuðninginn í gegnum tíðina.

Skákfélagið hefur haft aðgengi að fundarsal stéttarfélaganna undir æfingar og skákmót eða eins og segir á heimasíðu skákfélagsins; 

„Skákfélagið Goðinn hefur hingað til haldið flest öll sín mót og æfingar í fundarsal Framsýnar á Húsavík og vill félagið koma á framfæri sérstökum þökkum til Framsýn stéttarfélags fyrir það. Án þeirrar aðstöðu hefði starf félagsins verið erfitt og alls ekki víst að félagið væri til í dag, ef Framsýn hefði ekki stutt svona vel við bakið á skákfélaginu Goðanum.“

Eins og komið hefur fram á 640.is hefur Skákfélagið Goðinn gert samkomulag við Norðurþing um afnot af húsnæði í kjallaranum í norðurhluta Túns að Miðgarði 4 á Húsavík.