Skákæfingar og kennsla fyrir börn og unglinga að hefjast í Þingeyjarsýslu

Keppendur á héraðsmóti fyrir nokkrum árum.

Sérstakar skákæfingar og kennsla fyrir börn á grunnskólaaldri í Þingeyjarsýslu hefjast á morgun, miðvikudaginn 18. janúar kl. 16. 

Skákæfingarnar verða ókeypis og fara þær fram í Seiglu – miðstöð sköpunar (áður Litlaulaugaskóli) í Reykjadal.

Frá þessu segir á vef Skákfélagsins Hugins.

Æfingarnar fara fram annan hvern miðvikudag til að byrja með og einn sunnudag í hverjum mánuði. Reiknað er með að hver æfing standi yfir í um einn og hálfan klukkutíma. Hluti af æfingatímanum verður nýttur til kennslu.

Hermann Aðalsteinsson, Rúnar Ísleifsson, Smári Sigurðsson og Sigurbjörn Ásmundsson munu skiptast á um að sjá um skákæfingarnar í vetur. Einnig er stefnt að því að fá vanan skákkennara að sunnan í heimsókn eina helgi í vetur, en dagsetning liggur ekki fyrir.

Lesa nánar um æfingarnar hér.